Mae Llywodraeth Cymru wedi comisiynu Wavehill i gynnal gwerthusiad o gymorth Gwasanaethau Cymorth Busnes yng Nghymru a ariennir gan ERDF yn ystod cyfnod rhaglen 2014-2020. Mae rhaglenni gweithredol ERDF wedi’u cynllunio i gyfrannu at dwf deallus, cynaliadwy a chynhwysol, ac at gydlyniant economaidd, cymdeithasol a thiriogaethol. Nod y rhaglenni yw helpu i fynd i'r afael â gwendidau hir sefydlog yn economi Cymru, wrth adeiladu ar gryfderau tiriogaethol.
Nod y gwerthusiad yw ymchwilio i'r canlyniadau a gyflawnwyd gan y busnesau sydd wedi cael cymorth gan Wasanaethau Cymorth Busnes a ariennir gan ERDF yng Nghymru. At hynny, bydd yn caniatáu ar gyfer archwilio a yw'r ymyriadau a ariennir gan y Rhaglenni yn cael effaith ac i ba raddau. Fel rhan o'r gwerthusiad hwn, bydd Wavehill yn casglu gwybodaeth trwy arolwg gydag unigolion o fusnesau sydd wedi derbyn cymorth trwy'r Rhaglen Cyflymu Twf. Gwahoddir cyfranogwyr i gwblhau'r arolwg dros y ffôn.
Llywodraeth Cymru yw’r rheolydd data ar gyfer yr ymchwil. Bydd Llywodraeth Cymru yn derbyn copi o'r data a gasglwyd gan Wavehill. Fodd bynnag, bydd Wavehill yn dileu unrhyw ddata personol a ddarperir drwy’r arolwg ar-lein a chyfweliadau ffôn ac yn gwneud y data crai yn ddienw, cyn iddo gael ei rannu â Llywodraeth Cymru.
Bydd y wybodaeth a gesglir yn ystod y prosiect yn cael ei chynnwys mewn adroddiad a gyhoeddir ar wefan Llywodraeth Cymru ac o bosibl mewn cyhoeddiadau eraill gan Lywodraeth Cymru.
Mae eich cyfranogiad yn yr ymchwil hwn yn gwbl wirfoddol. Fodd bynnag, mae eich barn a'ch profiadau yn bwysig er mwyn helpu i lywio polisïau Llywodraeth Cymru.
Y cyswllt ar gyfer yr ymchwil hwn yn Wavehill yw Oliver Allies.
E-bost: oliver.allies@wavehill.com
Rhif ffôn: 0330 1228 658
HYSBYSIAD PREIFATRWYDD
Pa ddata personol sydd gennym a ble rydym yn cael y wybodaeth hon?
Diffinnir data personol o dan Reoliad Diogelu Data Cyffredinol y DU (UK GDPR) fel ‘unrhyw wybodaeth sy’n ymwneud ag unigolyn adnabyddadwy y gellir ei adnabod yn uniongyrchol neu’n anuniongyrchol drwy gyfeirio at ddynodwr’.
Mae Llywodraeth Cymru wedi rhoi eich manylion cyswllt (enw, cyfeiriad e-bost a rhif ffôn) i Wavehill. Cafodd eich sefydliad a’ch manylion cyswllt eu nodi o ddata a gyflwynwyd i Lywodraeth Cymru fel rhan o’r broses ymgeisio ar gyfer Gwasanaethau Cymorth Busnes, neu drwy adroddiadau cynnydd prosiect a gyflwynwyd gan sefydliadau buddiolwyr. Yn ystod y prosesau hyn, gwnaethoch gytuno y gallai sefydliadau ymchwil cymdeithasol cymeradwy gael mynediad at eich manylion, er mwyn cynnal gwaith ymchwil, dadansoddi neu fonitro cyfle cyfartal i wasanaeth Busnes Cymru. Dim ond at ddibenion y gwerthusiad hwn y bydd Wavehill yn defnyddio cyfeiriadau e-bost a rhifau ffôn.
Fel rhan o'r gwerthusiad hwn, bydd Wavehill yn eich gwahodd i gwblhau arolwg dros y ffôn, gan roi adborth a manylion am y cymorth busnes a dderbyniwyd ac unrhyw effeithiau cysylltiedig.
Nid yw'r ymchwil hwn yn gofyn am unrhyw ddata personol ychwanegol ohonoch chi. Ym mhob achos, mae eich cyfranogiad yn wirfoddol ac os nad ydych yn dymuno cymryd rhan neu gael e-bost atgoffa yna ymatebwch i'r e-bost gwahoddiad neu rhowch wybod i ni gan ddefnyddio'r rhif ffôn a ddarparwyd a bydd eich manylion yn cael eu dileu.
Efallai y bydd angen i Wavehill gofnodi’r galwadau am resymau sicrhau ansawdd. Os mai dyma'r achos, byddwn yn gwneud hyn yn glir i chi cyn i'r arolwg ddechrau, a chewch gyfle i ddweud wrthym os nad ydych yn fodlon i'ch ymatebion gael eu cofnodi. Bydd recordiadau'n cael eu dileu cyn gynted ag y bydd sicrwydd ansawdd yr ymatebion i'r arolwg wedi'i gwblhau.
Os byddwch yn dewis darparu data personol ychwanegol fel rhan o’r ymchwil, er enghraifft fel rhan o ymatebion i gwestiynau agored, byddwn yn ceisio peidio â’ch adnabod o’r ymatebion a roddwch, na chysylltu eich hunaniaeth â nhw.
Os byddwch yn gwneud ymholiad neu gŵyn ac yn darparu data personol yn gofyn am ymateb, bydd yr ymchwilydd yn anfon y cais ymlaen at y swyddog perthnasol yn unig ac yna'n ei ddileu o ddata'r ymchwil.
Beth yw'r sail gyfreithlon dros ddefnyddio'ch data?
Y sail gyfreithlon ar gyfer prosesu gwybodaeth yn yr ymarfer casglu data hwn yw ein tasg gyhoeddus; hynny yw, arfer ein hawdurdod swyddogol i ymgymryd â rôl a swyddogaethau craidd Llywodraeth Cymru.
Mae cymryd rhan yn gwbl wirfoddol. Mae astudiaethau ymchwil fel hyn yn bwysig er mwyn i Lywodraeth Cymru gasglu gwybodaeth a thystiolaeth y gellir ei gweithredu am ei gallu i gyflawni blaenoriaethau’r llywodraeth. Gallai’r wybodaeth a gasglwyd yn yr ymchwil hwn, er enghraifft, gael ei defnyddio i:
• Archwilio canfyddiadau o'r gefnogaeth a dderbyniwyd
• Ymchwilio i weld a yw'r ymyriadau a ariennir gan y Rhaglenni yn cael effaith ac i ba raddau.
• Datblygu argymhellion ar gyfer rhaglenni ariannu yn y dyfodol
Pa mor ddiogel yw eich data personol?
Mae gwybodaeth bersonol a ddarperir i Wavehill bob amser yn cael ei storio ar weinydd diogel. Dim ond nifer cyfyngedig o ymchwilwyr sy'n gweithio ar y prosiect hwn sy'n gallu cyrchu'r data. Dim ond at ddibenion ymchwil y bydd Wavehill yn defnyddio'r data hwn. Mae gan Wavehill ardystiad 'Cyber Essentials' dilys.
Wrth gynnal arolygon, mae Wavehill yn defnyddio rhaglen feddalwedd arolwg o'r enw Qualtrics. Rydym wedi sicrhau bod Qualtrics yn cydymffurfio â GDPR y DU ac yn bodloni ein disgwyliadau o ran diogelwch unrhyw ddata a gesglir trwy’r feddalwedd.
Mae gan Wavehill weithdrefnau i ymdrin ag unrhyw amheuaeth o dorri diogelwch data. Os oes amheuaeth o dorri amodau, bydd Wavehill yn adrodd am hyn i Lywodraeth Cymru a fydd yn eich hysbysu chi ac unrhyw reoleiddiwr cymwys lle mae'n ofynnol yn gyfreithiol i ni wneud hynny.
Bydd Wavehill yn defnyddio’r wybodaeth a gasglwyd i lunio adroddiad a fydd yn cael ei gyhoeddi ar wefan Llywodraeth Cymru. Ni fydd yr adroddiad hwn yn cynnwys unrhyw wybodaeth y gellid ei defnyddio i adnabod cyfranogwyr unigol.
Am ba mor hir rydym yn cadw eich data personol?
Bydd Wavehill yn cadw data personol yn ystod cyfnod y contract, a bydd unrhyw ddata personol nad yw wedi’i ddileu eisoes yn cael ei ddileu gan Wavehill 3 mis ar ôl diwedd y contract. Mae hyn yn cynnwys eich manylion cyswllt.
Bydd Wavehill yn darparu fersiwn dienw o'r data i Lywodraeth Cymru fydd yn cynnwys dim gwybodaeth a allai ddatgelu pwy ydych.
Eich Hawliau fel Unigolyn
O dan GDPR y DU, mae gennych yr hawliau canlynol mewn perthynas â’r wybodaeth bersonol a ddarperir gennych fel rhan o’r ymchwil hwn, mae gennych yr hawl:
• I gael mynediad at gopi o'ch data eich hun;
• I ni gywiro gwallau yn y data hwnnw;
• Gwrthwynebu neu gyfyngu ar brosesu (o dan rai amgylchiadau);
• Er mwyn i'ch data gael ei 'ddileu' (o dan rai amgylchiadau); a
• Cyflwyno cwyn i Swyddfa’r Comisiynydd Gwybodaeth (ICO) sef ein rheolydd annibynnol ar gyfer diogelu data.
Manylion cyswllt Swyddfa’r Comisiynydd Gwybodaeth yw: Wycliffe House, Water Lane, Wilmslow, Cheshire, SK9 5AF. Rhif Ffôn: 0303 123 1113.
Gwefan: www.ico.org.uk
Gwybodaeth Bellach
Os oes gennych unrhyw gwestiynau pellach ynghylch sut y bydd y data a ddarperir fel rhan o’r astudiaeth hon yn cael eu defnyddio gan Lywodraeth Cymru neu os hoffech arfer eich hawliau gan ddefnyddio Rheoliad Diogelu Data Cyffredinol y DU, cysylltwch â:
Enw: Andrew Booth
E-bost: andrew.booth@gov.wales
Gellir cysylltu â Swyddog Diogelu Data Llywodraeth Cymru trwy ysgrifennu:
Llywodraeth Cymru, Parc Cathays, Caerdydd, CF10 3NQ,
Comentarios