Wavehill - Ymchwil Gymdeithasol ac Economaidd Ledled y DU
  • Amdanom
  • Gwasanaethau
  • Sectorau
  • Tîm
  • Gwaith
  • Dealltwriaeth
  • Cysylltwch
  • English
Select Page

Achos Busnes ac Arfarniad

Hafan / Gwasanaethau / Achos Busnes ac Arfarniad

  • Monitro a Gwerthuso
  • Ymchwil Polisi a Datblygu Strategaeth
  • Asesiadau Effaith Economaidd
  • Asesiadau Gwerth Cymdeithasol
  • Dadansoddiad Ymgynghori
  • Achos Busnes ac Arfarniad

Mae achosion busnes cadarn a phrosesau arfarnu effeithiol yn darparu’r dystiolaeth sydd ei hangen i wneud penderfyniadau buddsoddi hyderus a sicrhau’r effaith fwyaf posibl o gyllid.

P’un a ydych yn datblygu cynnig ar gyfer buddsoddiad neu’n asesu ceisiadau am gyllid, mae sail dystiolaeth gref yn helpu i ddangos gwerth, effaith a dichonoldeb cyflawni. Mae’n galluogi sefydliadau i lunio achosion cymhellol dros gael cymorth ac yn helpu cyllidwyr i nodi mentrau sy’n cyd-fynd orau â’u hamcanion ac sy’n cyflawni canlyniadau ystyrlon.

Beth rydym ni’n ei wneud

  • Datblygu achosion busnes sy’n cydymffurfio â Llyfr Gwyrdd Trysorlys Ei Fawrhydi.
  • Arfarniad economaidd ac asesu opsiynau gan ddefnyddio’r Model Pum Achos.
  • Ymgysylltu â rhanddeiliaid, casglu tystiolaeth gadarn a dadansoddi er mwyn cryfhau’r sail dystiolaeth.
  • Gweithio ar y cyd i ddatblygu cynigion, asesu ceisiadau a chryfhau penderfyniadau buddsoddi.
  • Arbenigedd penodol i sectorau ar draws mentrau economaidd, cymdeithasol a chymunedol.

Astudiaethau Achos

Deall dewisiadau buddsoddi ar gyfer Ynni Lleol Clyfar yng Ngogledd Cymru
Uchelgais Gogledd Cymru

Deall dewisiadau buddsoddi ar gyfer Ynni Lleol Clyfar yng Ngogledd Cymru

Gweld yr astudiaeth achos

Cysylltiadau Allweddol

Declan Turner

Is-Gyfarwyddwr

Declan Turner

Is-Gyfarwyddwr

declan.turner@wavehill.com
0330 1228658

Mae Declan yn Economegydd ac yn Gyfarwyddwr Cyswllt yn Wavehill, gyda chefndir mewn cyflawni prosiectau a llywodraeth leol, gan weithio ym maes datblygu economaidd. Gan ddod ag ystod o sgiliau dadansoddi data a modelu economaidd i’r tîm, mae Declan yn ymchwilydd achrededig gan yr ONS. Mae Declan yn rheoli ystod o feysydd prosiect yn Wavehill, gan gynnwys cymorth busnes ac arloesi, cyflogaeth a sgiliau, ynni adnewyddadwy ac adfywio ar sail lle. Mae Declan hefyd yn gweithio ar draws portffolio Wavehill i gefnogi asesiadau gwerth am arian, gan gynnwys ar gyfer mentrau sy’n cael eu harwain gan lesiant a diwylliant.

Gan fod ganddo ddiddordeb mewn economeg oherwydd ei chymhwysiad ymarferol i sicrhau bod adnoddau’n cael eu defnyddio’n effeithlon a bod y buddion yn cael eu huchafu, gan ddarparu dealltwriaeth glir o effeithiau prosiectau, mae Declan yn arbenigo mewn ymchwil feintiol a defnyddio llenyddiaeth a pholisi cenedlaethol a rhyngwladol i gefnogi datblygiad economaidd lleol. Mae wedi arwain ar nifer o achosion busnes, ceisiadau am gyllid a datblygu strategaethau, yn ogystal ag asesiadau effaith economaidd ac ystod o werthusiadau prosiectau ac ymchwil polisi. Mae ei brosiectau blaenorol yn cynnwys gwaith lleol a chenedlaethol ar gyfer cleientiaid yn y sector preifat, cyhoeddus a’r trydydd sector, gan gynnwys Llywodraeth Cymru ac adrannau llywodraeth ganolog.

Gyda gradd Dosbarth Cyntaf mewn Economeg a Gwleidyddiaeth, mae Declan yn fedrus mewn ysgrifennu adroddiadau a chynnal ymchwil polisi, trin a modelu data yn Microsoft Excel, Power BI ac ArcGIS a chynnal cynlluniau arolygon cynhwysfawr gan ddefnyddio Qualtrics.

Yn wreiddiol o Ddyfnaint, mae Declan yn gweithio o Swyddfa Wavehill Bryste ac yn ei amser hamdden mae'n chwarae hoci cynghrair genedlaethol, wrth fwynhau rhedeg, dringo, beicio mynydd a phenwythnosau i ffwrdd yn ei fan.

Stuart Merali-Younger

Cyfarwyddwr

Stuart Merali-Younger

Cyfarwyddwr

stuart.merali-younger@wavehill.com

Mae gan Stuart 18 mlynedd o brofiad o weithio ym maes datblygu economaidd, adfywio a meysydd cysylltiedig, fel ymarferydd ac ymgynghorydd. Mae wedi gweithio ym maes ymgynghori ers 12 mlynedd, gan reoli a chyfarwyddo'r gwaith o gyflawni gwerthusiadau, arfarniadau, asesiadau effaith economaidd a strategaethau economaidd, ar gyfer cleientiaid gan gynnwys llywodraeth ganolog, awdurdodau lleol, partneriaethau menter lleol a phrifysgolion. Mae'n dod ag arbenigedd ar draws ystod o feysydd polisi, gan gynnwys cefnogaeth i fusnesau a sectorau, ymchwil ac arloesedd, adfywio ffisegol, astudiaethau ynni a charbon isel ac adfywio dan arweiniad diwylliant.

Cyn gwaith ymgynghori, bu Stuart yn gweithio am chwe blynedd mewn awdurdodau lleol yng Ngogledd a Dwyrain Swydd Efrog a Swydd Gaer, gan gydlynu strategaeth bartneriaeth a chyflawni prosiectau mewn rhaglenni adfywiad trefi marchnad ac ar gyfer partneriaeth diogelwch cymunedol.

Cwblhaodd Stuart ei radd israddedig mewn Gwleidyddiaeth, Athroniaeth ac Economeg, cyn mynd ymlaen i wneud gradd Meistr mewn Adfywio Lleol a Rhanbarthol. Mae hefyd yn aelod o'r Sefydliad Datblygu Economaidd a Chymdeithas Werthuso'r DU.

Y tu allan i'r gwaith mae'n deithiwr brwd, yn chwaraewr tenis ac yn gefnogwr hir-oddefgar o Nottingham Forest.

Wavehill Logo

E-bost: enquiry@wavehill.com
Ffôn: 0330 1228 658

Certified B Corp Logo
Wavehill 2026  |   Polisi Preifatrwydd   |   Ymwadiad   |   Datganiad Hygyrchedd   |   Map o'r wefan
LinkedIn   |   Facebook
×