Ynni ac Ynni Adnewyddadwy

Mae Declan yn Economegydd ac yn Gyfarwyddwr Cyswllt yn Wavehill, gyda chefndir mewn cyflawni prosiectau a llywodraeth leol, gan weithio ym maes datblygu economaidd. Gan ddod ag ystod o sgiliau dadansoddi data a modelu economaidd i’r tîm, mae Declan yn ymchwilydd achrededig gan yr ONS. Mae Declan yn rheoli ystod o feysydd prosiect yn Wavehill, gan gynnwys cymorth busnes ac arloesi, cyflogaeth a sgiliau, ynni adnewyddadwy ac adfywio ar sail lle. Mae Declan hefyd yn gweithio ar draws portffolio Wavehill i gefnogi asesiadau gwerth am arian, gan gynnwys ar gyfer mentrau sy’n cael eu harwain gan lesiant a diwylliant.

Gan fod ganddo ddiddordeb mewn economeg oherwydd ei chymhwysiad ymarferol i sicrhau bod adnoddau’n cael eu defnyddio’n effeithlon a bod y buddion yn cael eu huchafu, gan ddarparu dealltwriaeth glir o effeithiau prosiectau, mae Declan yn arbenigo mewn ymchwil feintiol a defnyddio llenyddiaeth a pholisi cenedlaethol a rhyngwladol i gefnogi datblygiad economaidd lleol. Mae wedi arwain ar nifer o achosion busnes, ceisiadau am gyllid a datblygu strategaethau, yn ogystal ag asesiadau effaith economaidd ac ystod o werthusiadau prosiectau ac ymchwil polisi. Mae ei brosiectau blaenorol yn cynnwys gwaith lleol a chenedlaethol ar gyfer cleientiaid yn y sector preifat, cyhoeddus a’r trydydd sector, gan gynnwys Llywodraeth Cymru ac adrannau llywodraeth ganolog.

Gyda gradd Dosbarth Cyntaf mewn Economeg a Gwleidyddiaeth, mae Declan yn fedrus mewn ysgrifennu adroddiadau a chynnal ymchwil polisi, trin a modelu data yn Microsoft Excel, Power BI ac ArcGIS a chynnal cynlluniau arolygon cynhwysfawr gan ddefnyddio Qualtrics.

Yn wreiddiol o Ddyfnaint, mae Declan yn gweithio o Swyddfa Wavehill Bryste ac yn ei amser hamdden mae'n chwarae hoci cynghrair genedlaethol, wrth fwynhau rhedeg, dringo, beicio mynydd a phenwythnosau i ffwrdd yn ei fan.

Mae gan Marianne 12 mlynedd o brofiad yn y sectorau cyhoeddus a phreifat fel ymchwilydd ansoddol, rheolwr prosiectau ac ymgynghorydd. Mae ganddi brofiad diwydiant yn y sector ynni gwynt, yn ogystal â rheoli amrywiaeth o brosiectau yn y sector cyhoeddus. Mae ganddi hefyd bedair blynedd o brofiad mewn ymgynghoriaeth yn arwain prosiectau yn y DU ac yn Ewrop mewn sectorau amrywiol fel tai cymdeithasol, trafnidiaeth, adfywio, datblygu economaidd, a'r newid i sero net.

​Cyn ymchwilio a rheoli prosiectau, hyfforddodd Marianne fel cyfieithydd i ddechrau gyda BA dosbarth cyntaf o Goleg Prifysgol Llundain mewn ieithoedd Nordig. Ar ôl cyfnod byr yn gweithio yn Helsinki fel cyfieithydd, cwblhaodd MSc rhan-amser mewn gwleidyddiaeth Ewropeaidd a pholisi'r UE yng Ngholeg Birkbeck, Prifysgol Llundain, gyda ffocws penodol ar newid hinsawdd a diogelwch ynni. Ar hyn o bryd mae hi'n cwblhau ail MSc rhan-amser mewn Cynllunio Trefol a Rhanbarthol ym Mhrifysgol Heriot-Watt, Caeredin, i ategu ei rôl fel Uwch Ymgynghorydd.

Y tu allan i'r gwaith, mae Marianne yn gerddor brwd (sielyddes) ac yn ymwneud â gwahanol brosiectau yn y sîn gerddoriaeth leol.