Adfywio Lle a Chymuned

Mae Oliver wedi bod yn ymwneud â datblygu economaidd ac adfywio ers dros 20 mlynedd, fel ymarferydd ac fel ymgynghorydd. Mae wedi gweithio ym maes ymgynghoriaeth am y 14 mlynedd diwethaf, gan reoli a chyflawni amrywiaeth o fentrau: datblygu strategaethau, cynnal asesiadau ac arfarniadau effaith economaidd, a chynnal gwerthusiadau o brosiectau, rhaglenni a sefydliadau. Mae wedi cyflawni gwaith ar ran Adrannau Llywodraeth Ganolog, amrywiol adrannau Llywodraeth Cymru, Awdurdodau Lleol a Chyd-awdurdodau, a Phartneriaethau Menter Lleol, yn ogystal â gwaith ar ran y sector preifat a’r trydydd sector.

Mae ei feysydd arbenigedd yn eang, gan gynnwys cymorth busnes, arloesi a menter, cyflogadwyedd a sgiliau’r gweithlu, ynni adnewyddadwy ac adfywio ffisegol.

Cyn gweithio ym maes ymgynghoriaeth, bu Oliver yn gweithio i Asiantaeth Datblygu Rhanbarthol De-orllewin Lloegr, lle bu’n ymwneud â rheoli prosiectau datblygu economaidd a chefnogi datblygiad strategol a phartneriaethol mewn perthynas â menter, cymorth busnes, sgiliau ac arloesi. Cyn hynny, bu Oliver yn gweithio fel Swyddog Strategaeth i Sussex Enterprise, lle bu’n rheoli amrywiaeth o brosiectau cymorth busnes a menter a ariannwyd gan Ewrop, ac arweiniodd ar ddatblygu cynllun cyflawni Business Link yn Sussex.

Yn ogystal â’i radd israddedig mewn Daearyddiaeth, mae gan Oliver radd Meistr (gydag anrhydedd) mewn Datblygu Economaidd Lleol a Rhanbarthol. Mae’n Gymrawd o Gymdeithas Frenhinol y Celfyddydau, yn Aelod o’r Sefydliad Datblygu Economaidd, o Gymdeithas Werthuso’r DU ac o rwydwaith Gwerth Cymdeithasol.

Mae gan Oliver gariad arbennig at yr awyr agored ac yn ei amser rhydd, pan nad yw’n cludo ei blant o le i le, byddwch fel arfer yn dod o hyd iddo ar (neu yn) yr afon/môr neu ar y traeth.