Mae busnesau cymdeithasol yn gwneud cyfraniad sylweddol i’r economi a’u cymunedau lleol..
Bob dwy flynedd ers 2014, Cwmpas wedi bod yn monitro datblygiad a thwf busnesau cymdeithasol ledled Cymru drwy eu harolwg bob dwy flynedd. Mae’r ymchwil hon wedi helpu i ddeall yr heriau a’r cyfleoedd yn y sector a nodi cyfleoedd ar gyfer cymorth wedi’i dargedu.
Os ydych chi’n fusnes cymdeithasol sydd wedi’i leoli yng Nghymru, rydym yn eich gwahodd i gymryd rhan yn arolwg eleni..
Beth yw’r canlyniad a fwriadwyd?
Mae gan yr ymchwil hon sawl nod, sy’n cynnwys:
-
Cynnal archwiliad iechyd o’r sector i nodi unrhyw heriau a chyfleoedd y mae busnesau’n eu hwynebu.
-
Mapio maint a graddfa’r sector a sut mae hyn wedi newid ers yr arolwg diwethaf.
-
Datblygu cyfeiriadur o fusnesau cymdeithasol i ddarparu cefnogaeth fwy targedig i fusnesau cymdeithasol yng Nghymru.
Gall eich mewnbwn ein helpu i greu darlun o’r sector busnes cymdeithasol a dangos yr effaith sydd ganddo ledled Cymru.
Beth sydd ynghlwm?
Hoffem gasglu barn pob busnes cymdeithasol yng Nghymru. Rydym yn gwahodd arweinwyr busnes i gwblhau arolwg byr mewn dwy ran:
-
Gellir cwblhau’r rhan gyntaf ar-lein ac mae’n gofyn cwestiynau cyffredinol am eich busnes cymdeithasol.
-
Ar ôl hyn, gwahoddir ymatebwyr i gwblhau cwestiynau ychwanegol drwy alwad ffôn gydag un o’n hymchwilwyr er mwyn cael dealltwriaeth ddyfnach o’ch safbwyntiau ar rai o’r heriau a’r cyfleoedd a wynebir.
Bydd y canlyniadau terfynol a adroddir yn ddienw, a gobeithiwn y bydd hyn yn eich annog i rannu eich barn yn rhydd.
Er mwyn helpu i olrhain a monitro ymatebion, byddwn yn gofyn am enw eich busnes a rhif eich cwmni lle bo’n berthnasol. Rydym yn cymryd trin eich gwybodaeth bersonol o ddifrif iawn ac yn dilyn protocolau llym ar gyfer trin data. Gweler. ein hysbysiad preifatrwydd am ragor o wybodaeth.
Bydd pob busnes sy’n cwblhau’r arolwg yn cael eu cynnwys mewn raffl i ennill dau docyn am ddim i Wobrau Busnes Cymdeithasol Cymru a £50.
Sut i gymryd rhan yn yr ymchwil hon?
I rannu eich barn, yn syml dilynwch y ddolen hon. Ni ddylai rhan gyntaf yr arolwg gymryd mwy na 10 munud i’w chwblhau.
Os oes angen yr arolwg hwn arnoch mewn unrhyw fformat arall neu os hoffech gael rhagor o wybodaeth am y prosiect hwn, cysylltwch â Megan Clark.
