Yr wythnos hon daeth gweithwyr Wavehill ynghyd ar gyfer ein Diwrnod Cwrdd i Ffwrdd y gaeaf yn Birmingham. Gyda swyddfeydd ledled y DU, mae’n bwysig ein bod yn gwneud amser i gyfarfod â’n gilydd. Mae cydweithio a rhannu dysgu yn rhan annatod o ddiwylliant ein cwmni ac mae’r sesiynau hyn yn cynnig cyfle gwych i staff o’n holl swyddfeydd ddod at ei gilydd i ddal i fyny a chyfarfod wyneb yn wyneb. Cynigiodd y diwrnod yn Birmingham hefyd y cyfle i groesawu staff newydd ac i ddathlu dyrchafiadau diweddar nifer o’n tîm ar y cyd.
Fel cwmni sy’n eiddo i weithwyr, mae’r Diwrnod i Ffwrdd yn fecanwaith allweddol i ni i gyd fyfyrio ar y cynnydd rydym yn ei wneud fel cwmni. Mae’r sesiynau wedi’u cynllunio i roi cipolwg manwl ar weithrediad strategol y cwmni ac i rymuso staff i gyfrannu a rhoi adborth ar wahanol feysydd o’r busnes. Roedd y diwrnod hefyd yn cynnwys sawl sesiwn yn canolbwyntio ar lunio ein cyfeiriad strategol ar y cyd ar gyfer y blynyddoedd i ddod.
