Gwerthusiad o ynni adnewyddadwy morol alltraeth ar gyfer MEECE Catapult

Datblygodd Catapult Ynni Adnewyddadwy Alltraeth (rhan o Innovate UK) y Ganolfan Ragoriaeth Peirianneg Ynni Morol (MEECE) yn Noc Penfro, De-orllewin Cymru, i ddarparu cymorth arloesi ar gyfer gweithgareddau ynni adnewyddadwy morol sy’n cael eu cynnal o amgylch arfordir Cymru.

Mae’r prosiect yn cael ei ariannu’n rhannol gan Gronfa Datblygu Rhanbarthol Ewrop (ERDF) a Bargen Ddinesig Bae Abertawe, yn ogystal â’r Catapult, ac mae wedi bod yn gweithio gyda phartneriaid prifysgol yn ogystal â’i dîm ei hun o beirianwyr profiadol i gefnogi sefydliadau yng Nghymru wrth ddatblygu cynhyrchion ynni adnewyddadwy morol a’r gadwyn gyflenwi. I gefnogi’r prosiect, comisiynodd MEECE Wavehill i gynnal gwerthusiad o’i weithrediad.

Ein hymagwedd

Cwblhaodd Wavehill werthusiad cychwynnol, gan ddatblygu’r offer a’r fframweithiau y byddai gweithrediad MEECE yn cael ei asesu yn eu herbyn. Edrychodd gwerthusiad interim ar y prosesau yr oedd MEECE wedi’u rhoi ar waith i gyflawni’r prosiect ac archwilio cyfleoedd i’w gwella, gan dynnu ar dystiolaeth sylfaenol a gasglwyd drwy ymgynghoriadau manwl â’r sefydliadau a gefnogwyd a rhanddeiliaid mewnol ac allanol.

Bydd y gwerthusiad terfynol yn canolbwyntio ar yr effeithiau a’r canlyniadau a gyflawnwyd gan MEECE a sut y mae wedi cefnogi arloesi a datblygu technolegau newydd ac atebion ar gyfer y gadwyn gyflenwi i feithrin twf a gwelliant yn y sector ynni adnewyddadwy morol yng Nghymru ac yn ehangach.

Effaith

Mae’r gwerthusiad wedi helpu gweithrediad MEECE i nodi heriau a gwella ei swyddogaethau cyflawni, gan sefydlu’r hyn a gyflawnwyd hyd yma.

Bydd yr effeithiau a nodwyd yn cefnogi ceisiadau am gyllid yn y dyfodol ac yn dangos y cyfleoedd y mae rhaglenni cymorth cydweithredol o’r fath yn eu cynnig i hwyluso datblygiad ynni adnewyddadwy.

Cysylltiedig

Wavehill 2026  |   Polisi Preifatrwydd   |   Ymwadiad   |   Datganiad Hygyrchedd   |   Map o'r wefan
LinkedIn   |   Facebook