Dangos sut mae buddsoddi mewn treftadaeth yn helpu lleoedd i ffynnu

Bu Wavehill, mewn partneriaeth â DC Research, yn gweithio gyda Chronfa Dreftadaeth y Loteri Genedlaethol i archwilio sut mae cyllid treftadaeth yn cyfrannu at leoedd a chymunedau ffyniannus ledled y DU.

Archwiliodd yr ymchwil bortffolio buddsoddi presennol y Gronfa, adolygodd dystiolaeth ar weithio seiliedig ar le, a nododd gyfleoedd i gryfhau sut mae buddsoddiad treftadaeth yn cefnogi adfywio lleol, gweithio mewn partneriaeth a newid hirdymor.

Cyfunom ddadansoddiad meintiol o fwy na 22,000 o geisiadau grant gydag adolygiad o dystiolaeth genedlaethol ar fuddsoddi seiliedig ar le, ymgynghoriadau â 26 o randdeiliaid allanol, 20 o staff Cronfa Dreftadaeth, a sampl o brosiectau a ariannwyd ledled y DU. Galluogodd hyn ni i asesu sut roedd cyllid seiliedig ar le yn cael ei ddarparu a nodi opsiynau ymarferol ar gyfer dulliau buddsoddi yn y dyfodol.

Effaith

Nododd y dadansoddiad 1,386 o brosiectau seiliedig ar le o dros 22,400 o geisiadau, gan ddarparu un o’r adolygiadau mwyaf cynhwysfawr o fuddsoddiad treftadaeth seiliedig ar le a gynhaliwyd gan y Gronfa.
Tynnodd yr ymchwil sylw at bwysigrwydd partneriaethau cryf, gwybodaeth leol a rennir ac ymgysylltiad cymunedol wrth gyflawni canlyniadau llwyddiannus seiliedig ar le.
Awgrymodd tystiolaeth fod prosiectau seiliedig ar le yn denu lefelau uwch o gyllid partneriaeth na phrosiectau treftadaeth eraill, gan danlinellu gwerth dulliau cydweithredol o fuddsoddi a chyflawni.
Cynigiodd y gwaith fframwaith newydd ar gyfer cyfeirio buddsoddiad seiliedig ar le, gan helpu Cronfa Dreftadaeth i gryfhau ei rôl fel buddsoddwr, dylanwadwr a phartner mewn lleoedd.

Darparodd yr ymchwil sylfaen dystiolaeth ac opsiynau ymarferol i Gronfa Dreftadaeth y Loteri Genedlaethol i lywio dulliau yn y dyfodol o gyllid seiliedig ar le, datblygu partneriaethau a buddsoddiad strategol ledled y DU.

Mae’r adroddiad ar gael i’w ddarllen yma.