Cyfraniad economaidd a diwylliannol Gŵyl y Gelli

Defnyddiom fframwaith effaith economaidd strwythuredig, gan gyfuno tystiolaeth o arolygon, ymgynghoriadau â rhanddeiliaid a gwirfoddolwyr, a modelu mewnbwn-allbwn. Galluogodd hyn i ni ddal yr effeithiau uniongyrchol o gyflawni’r ŵyl, gweithgarwch y gadwyn gyflenwi, effeithiau cyflogau anwythol a gwariant ymwelwyr — gan ddarparu darlun cynhwysfawr o sut mae gweithgarwch yr ŵyl yn creu gwerth lleol a rhanbarthol.

Prif ganfyddiadau

• Cynhyrchodd y digwyddiad £2.35 miliwn mewn GVA a chefnogodd 63 o swyddi cyfwerth ag amser llawn (FTE)yng Nghymru.
• Gwariant ymwelwyr oedd yn gyrru’r effaith, gyda dros hanner y mynychwyr yn teithio o’r tu allan i Gymru a 42% yn aros dros nos, gan gefnogi busnesau lleol y tu hwnt i weithgareddau’r ŵyl.
• Nododd mynychwyr fanteision clir o ran llesiant, dysgu a chysylltiad cymunedol, gyda busnesau a gwirfoddolwyr yn disgrifio ymgysylltiad ystyrlon a chanlyniadau cadarnhaol.
• Disgrifiodd rhanddeiliaid y digwyddiad fel canolbwynt ar gyfer gweithgarwch y tu allan i’r tymor prysur, gyda busnesau’n cynllunio o amgylch mwy o alw ac yn adrodd am gapasiti llawn yn ystod y penwythnos.
• Cyfrannodd gwirfoddolwyr nifer sylweddol o oriau a disgrifiwyd eu cyfraniad fel gweithgarwch dinasyddiaeth a chysylltiad â’r lle.

Bydd comisiwn parhaus Wavehill ar gyfer Gŵyl y Gwanwyn 2026 yn parhau i adeiladu’r sail dystiolaeth, gan ddangos gwerth cronnol, drwy gydol y flwyddyn, digwyddiadau Gŵyl y Gelli i economi a chymuned Y Gelli Gandryll.