Cyflwyno gwerthusiad hirdymor o adfywio yn Blyth

Mae Wavehill yn cynnal gwerthusiad saith mlynedd o weithgarwch adfywio yn Blyth, sy’n cynnwys cymysgedd o fentrau adfywio a arweinir gan Gyngor Sir Northumberland, gyda chyfanswm gwerth o £95 miliwn. Sefydlodd y prosiect strwythur clir ar gyfer mesur newid ar draws blaenoriaethau economaidd, cymdeithasol ac amgylcheddol, a bydd yn darparu gwerthusiadau interim a therfynol yn 2028 a 2030 er mwyn pennu’r effeithiau tymor hwy.

Dechreuodd yr ymchwil gyda Theori Newid gynhwysfawr ar draws pedwar dimensiwn (busnes, bywiogrwydd, trafnidiaeth a chynhwysiant cymunedol) a defnyddiwyd hon i lunio fframwaith monitro a gwerthuso. Nodwyd set o ddangosyddion ynghyd â methodolegau ar gyfer profi’r rhaglen yn ystod ac ar ôl y cyfnod cyflawni. Roedd y fframwaith hefyd yn cynnwys trefi cymharol er mwyn olrhain newid cymharol dros amser.

Cafodd sefyllfa waelodlin fanwl ei chofnodi hefyd yn y cam cynnar hwn er mwyn galluogi cymariaethau yn ddiweddarach ac olrhain newid. Roedd hyn yn cynnwys monitro dangosyddion penodol megis nifer yr ymwelwyr, gweithgarwch busnes a chyflogaeth, gydag arolygon o drigolion, pobl ifanc a busnesau, ymgynghoriadau â rhanddeiliaid ar draws partneriaid cyflawni a sefydliadau lleol, a dadansoddiad o ddata economaidd a chymdeithasol. Bydd yr ymchwil hwn yn cael ei ddiweddaru mewn camau dilynol er mwyn helpu i lywio’r naratif effaith.

Cynhyrchwyd offer monitro a dogfennau canllaw ar gyfer Cyngor Sir Northumberland a’r prosiectau penodol er mwyn dod â mewnwelediadau ynghyd wrth i’r rhaglen fynd rhagddi. Er mwyn lleihau’r baich adnoddau ychwanegol, mae’r gofynion monitro hyn yn adeiladu ar ofynion presennol y cyllidwyr ac yn casglu gwybodaeth yn ganolog i gefnogi goruchwyliaeth llywodraethu.